Sejarah Berdirinya Tugu Makam Raja Silahisabungan - TUMARAS Kecamatan Silahisabungan Part II END

TUMARAS - Desa Silalahi III

Ditulis ulang oleh :

1. Marvindra Sidabariba
2. Ronald Zendrato

Sumber Tulisan dari : Agenda Bapak GS. PINTU BATU

◄◄◄ BACA BAGIAN PERTAMA

Marpungu ma Popparan ni Raja Silahisabungan jala di bahen ma acara peletakan batu pertama (Batu OJAHAN) batu di ikat ualu sulpi di tarik ualu halak mulai sian Popparan ni Sihaloho sahat tu Tambunan dengan ma di patupa partapakkan na menurut perhitungan teknik nungnga suman be tapak nai, di tikki maccor sursar suda. Sappe tolu hali dibaen laos so boi jadi, jala semen pe sai tong gabur-gabur dang boi menyatu, bingung ma tungkang jala mangido mundur, Roma Raja Silahisabugan tu parnipion sahalan panitia, di paboa imana nipi nai tu sude panitia, berdasarkan petunjuk sian nipi di dohoti ma mandoppakon sibisa uluan, jadi ma partapahan dohot akka pondasi, dibahen ma palas-palas na, dung juppang tikki na, di bukka ma akka papan bekisting, dibereng nasida rebet miring do Tugu i, jala dang barani nasida manorushon

Di dok nasida ma :

“Dang tarpauli be on, molo torushonon ikkon bongkaron do sude”

 

Martaun di pasobbu do dang di karejoi be Tugu i, alana parhepengon pe nungnga godang suda, biaya mabbongkar dohot mamasang nungnga tabba muse biaya.

Tahun 1980, disada tikki roma tu parnipian nisa sahalak Popparan ni Silahisabungan,

Di nipi na i di dok :

“Unang pola manderse hamu Popparan hu di namabbaen sada partanda di au, jou hanima ma Popparanku na sian anggim, Si Tambun Raja, asa ture dibahen, naso digokkon hanima do Popparan ni anggim asa songoni on.

Nipi i di paboa ma tu panitia pembangunan Tugu, di bahen panitia ma sada parrapotan asa di jou Popparan ni anggi doli ima pomparan SI TAMBUN RAJA. Dibaritahon ma on tu Tambunan jala pintor ro do Tambunan mamereng keadaan i, jala langsung do di pangido nasida akka bahan na porlu naeng siulahonon.

Pertama mamulai martukkang Tambunan, dang marna jadi, Semen dang boi lokkot tu Tugu i, Ari pa toluhon, mangido mundur ma tungkang Tambunan, di dok ma dang sanggup be manoruson jala nungnga tolu ari dang adong bogas na, tikki na mangido mundur tambunan, Di dok sada natua-tua ma asa di pasahat debban tu sahalak parbinoto di huta i, Tikki na di pasahat na i di jaha parbinoto i ma napuran na i,

Jala di dok :

“Las do rohani Oppu i roho tuson, alai laos so olo doho mamakkulingi imana”

Di alusi Sitambunan ma :

“Bohado bahenonku mamakkulingi, ai so huida”.

Di dok parbinoto ima tu panitia :

“Patupa hamu ma soloman ni Oppu i, asa di pasahat Anggi doli muna Tambunan on tu ibana, denggan ma ajari hamu tikki na pasahatton I”.

Dung di patupa solaman ni Oppu i, Raja Silahisabungan, di lehon ma tu Si Tambunan jala di tangiakkon Si Tambunan ma si pasahaton na i, langsung do sorop tu ibana Oppu Raja Silahisabungan, jala langsung do muse sadari na i di karejo i, dang binoto songon dia cara na dibaen Si Tambunan makkarejo i, piga-piga ari dung ditiop nasida, maningor pintor lurus do Tugu i, jala tikki namangukir Relief denggan do di ukir Si Tambunan, dang boi di pakkulingi alana ibana torus do makkatai dohot Raja Silahisabungan,

Gambar diatas kertas adong do dipasahat tu Si Tambunan, ima sebagai panduan tu Relief, alai dang na di gambar i di ihutton ibana, langsung do oppu Raja Silahisabungan maniop tangan na lao mangukir jala dihusippon do tu ibana sejarah Na di ukir na i.

Tahap demi tahap di patorang ibana do sude akka na di ukir na i, jala sude na tua-tua tarhatotong do manangi-nangi cerita ni Si Tambunan I, ima mengukir Relief i. Relief  i papatarhon sejarah perjalanan sian Garot Balige sahat tu Silalahi na bolak, ima huta na pinukka na dohot Popparanna sahat tu dolok Martaja, ima tuan Si Hubil na manakko tolu halak sian parmahanan sude na di patoran ni Si Tambunan ima pengukir adong do fakta-fakta na ima peninggalan ni Raja Silahisabungan.

Berdasarkan turi-turian dohot hasil tim pencari fakta sejarah keliling huta di pesisir tao Toba, sibisa uluan sahat tu Pakpak Dairi di padomu ma i dohot penjelasan ni Si Tambunan pengukir, penelitian ni natua-tua mengarah tu Relief i do sude, jala di tetappon ma ima prasasti di ”TUGU MAKAM RAJA SILAHISABUNGAN (TUMARAS)”, area ni Tugu i, goar na sian na jolo ima lumban Maras laos boi cocok gabe TUMARAS. Jadi ma tutu Tugu i dohot akka ukir-ukiranna jala i ma sahat tu nuaeng,

TUMARAS adalah Milik Popparan RAJA SILAHISABUNGAN SI UALU TURPUK yang tidak bisa di RUBAH sampai KIAMAT.

Tahun 1981, menjelang peresmian TUMARAS, Si Ualu Turpuk sepakat,

Penulisan prasasti sebagai berikut :

“RAJASILAHISABUNGAN”

*PINGGAN MATIO BORU PADANG BATANG HARI & BORU SIMAILING-ILING BORU NAIRASAON*

1. LOHO RAJA – SIHALOHO/ RANIM BANI BORU PADANG BATANG HARI
2. TUNGKIR RAJA – SITUNGKIR / PINGGAN HAOMASAN BORU SITUMORANG
3. SONDI RAJA – RUMA SONDI / SIBORU NA GOK BORU SIBORO
4. BUTAR RAJA – SIDABUTAR / LAGU MORA BORU SAGALA
5. DABARIBA RAJA – SIDABARIBA / SAHAT ULI BORU SAGALA
6. DEBANG RAJA – SI NABANG / SIBORU PANAMEAN BORU SAGALA
7. BATU RAJA – PINTU BATU / BUNGA PANDAN BORU SINAGA
8. TAMBUN RAJA – TAMBUNAN / PINTA HAOMASAN BORU MANURUNG

• SIBORU DEANG NAMORA

POPPARAN RAJA SILAHISABUNGAN SIUALU TURPUK HOT DI “ PODA SAGU SAGU MARLANGAN.

Catatan Penting : 

Artikel / Tulisan yang anda baca saat ini adalah Artikel yang ditulis kembali oleh kami tanpa mengurangi atau pun menambahi informasi vital di dalamnya, Artikel ini sesuai dengan informasi yang kami dapatkan dari Agenda Bapak GS. Pintu Batu, Mohon maaf bila ada pelunisan nama yang kurang tepat, dan Terima kasih banyak kepada Bapak Musa Silalahi yang sudah meluangkan waktunya untuk membuat tulisan ini menjadi lebih baik lagi.

Horas... Horas... Horas...

◄◄◄ BACA BAGIAN SEBELUMNYA

Ditulis ulang oleh :

1. Marvindra Sidabariba
2. Ronald Zendrato

Sumber Tulisan dari : Agenda Bapak GS. PINTU BATU

Post by : Admin